दुरुग ग्रामीण (ट्रेक सीजी न्यूज/सतीश पारख)
विधानसभा के स्टेशन मरोदा म सदस्यता जुड़ाव बैठका राखे गे रिहिस। जेमा मरोदा वार्ड नम्बर 18-19 के 40 छत्तीसगढ़ीया परिवार क्रान्ति सेना जोहार छत्तीसगढ़ पार्टी में सदस्यता लिस। राष्ट्रीय दल के दोगलाई ले तंग आके सेना सँग चले के किरया खाईस। अवइया नगर निगम चुनाव म छत्तीसगढ़ीयावादी नेता चुने के बात भी किहिस। छाया विधायक पंकज चतुर्वेदी, कामेश साहू संगठन के बुता ल समाज तीर राखिस। जम्मो पदाधिकारी मन छत्तीसगढ़ीया समाज ल जात पात ले आगू उठके एक छत्तीसगढ़िया जात के निर्माण बर जोर दिस। बैठका म उतई नगर प्रभारी- राजेश जांगडे, टीकम साहू, नरेंद साहू, खुमान निषाद, चंद्रकांत साहू, घनश्याम साहू, हरीश कुर्रे, महिला प्रभारी -पुजा कोठारी,चंदा नेताम, ज्योति देवी सिरमौर, कामेश साहू, पंकज चतुर्वेदी अन्य पदाधिकारी सँग वार्डवासी उपस्थित रिहिस।
